काठमाडौँ । प्रतिपक्ष दल नेपाली काँग्रेसका युवा नेता तथा सांसद मोहन आचार्यले रसुवा जिल्लामा कार्यरत सबै स्वास्थ्यकर्मीको कोरोना विमा गरिदिने घोषणा गरेका छन ।
उनले जिल्लामा स्वास्थयकर्मीहरुले विरामी जाँच गर्न असहज मानिरहेको अवस्था भएकाले फ्रण्ट लाइनमा कार्यरतहरुको लागि आफ्नो तर्फबाट भन्दै जिल्लाभरका सम्पूर्ण अस्पताल, प्राथमिक स्वास्थ्यकेन्द्र, स्वास्थ्य चौकी र उपस्वास्थ्यचौकीमा कार्यरत स्वास्थ्यकर्मी तथा सम्पुर्ण सुरक्षाकर्मी ,जनप्रतिनिधि ,पत्रकार ,रेडक्रस, नेपाल स्काउण्ट र क्रियाशील संघ सस्थाका व्यक्तिहरुको कोरोना स्वास्थ विमा गरि दिने घोषणा गरेका हुन ।
विश्वव्यापी महामारीको रुपमा फैलिएको कोरोना भाइरस (कोभिड–१९) को संक्रमणको अबस्थामा फ्रण्टलाइनमा खट्नेहरुलाई स्वास्थयकर्मीहरुलाई उत्साहप्रद ढंगले खटाउन नसकेको उनले बताएका छन ।
सामाजिक संञ्जाल मार्फत सांसद आचार्यले उक्त सूचिमा पर्ने सबैलाई विमाका लागी आफ्नो सम्पर्कमा आउन अनुरोध गरेका छन ।
विमाका लागी सम्बन्धित संघ संस्था र व्यक्तिलाई नाम ठेगाना र उमेर खुलाई ९८५११४६९३९ मा म्यासेज गर्न वा mohanacharya1977@gmail.com र paudyal.sunil1@gmail.com मा इमेल गर्न सांसद आचार्यले अपिल गरेका छन।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
