५०० सम्मको फण्ड ट्रान्स्फरमा अब कारोबार शुल्क नलाग्ने

काठ्माण्डौं । डिजिटल भुक्तानीलाई प्रवद्र्र्धन गर्नुका साथै सानो रकमका भुक्तानीहरु डिजिटल माध्यमबाट गर्न प्रोत्साहन गर्ने उद्देश्यका साथ एनसिएचएलले खुद्रा भुक्तानी स्विच आरपिएस मार्फत् हुने ५ सयसम्मको फण्ड ट्रान्स्फरमा कुनै शुल्क नलाग्ने व्यवस्था गरेको छ ।

CONNECT IPS वेब/मोबाईल एप, बैंक वित्तिय संस्थाको मोबाईल बैंकिङ्गमा रहेको CONNECT IPS फण्ड ट्रान्स्फर तथा CONNECT IPS मार्फत मोबाईल वालेटमा गरिने नगद भित्र र बाहिर लाई पूर्ण रुपमा निशुल्क गरिएको छ ।

चैत्र १९ गतेबाट उक्त व्यवस्था CONNECT IPS मा कार्र्यान्वयनमा आइसकेको छ भने बैंक वित्तीय संस्था र वालेटहरुले आफ्ना प्रणालीहरुमा आवश्यक व्यवस्था मिलाए पछी मोबाइल बैंकिङ्ग तथा वालेटमा पनि क्रमिक रूपमा लागू हुनेछ । आरपिएस मार्फत हुने अन्य च्यानलहरु र कारोबारहरुमा भने कारोबार रकमको आधारमा हाल कायम रहेको रू. २ र रु.८ कारोबार शुल्कको व्यवस्था यथावत रहने छ । साथै उक्त कारोबार शुल्कमा कानून बमोजिमको भ्याट थप हुने व्यवस्था रहेको छ ।

कारोबार संख्यामा बृद्धी सँगै कारोबार शुल्क समायोजन गर्ने नीति एनिसएचएलले लिँदै आएको छ । आरपिएस मार्फत गत आर्थिक वर्षमा नेपाली रुपैयाँ ५ हजार ६ सय ९७ अर्ब बराबरको ७ करोड ५६ लाख भुक्तानी कारोबारहरु फर्छ्यौट गरेको थियो भने चालू आर्थिक वर्षको आठ महिनामा नेपाली रुपैयाँ ४ हजार ५ सय ५३ अर्ब बराबरको ६ करोड ८३ लाख भुक्तानी कारोबारहरु फर्छ्यौट गरिसकेको छ । हाल ५२ बैंक वित्तीय संस्थाहरुको मोबाईल बैंकिङ्ग एपमा CONNECT IPS बाट फण्ड ट्रान्स्फर गर्न सकिने सेवा उपलब्ध रहेको छ भने १३ भन्दा बढि वालेटहरुमा बैंक खाताबाट नगद भित्र र बाहिर को सेवा उपलब्ध रहेको छ ।

एनिपएस अन्तर्गतको आरपिएसले बैंक वित्तीय संस्था पिएसपिएस पिएसओएस लगायतका संस्थाहरुलाई एपिएलएसको माध्यमबाट वास्तविक समय भुक्तानीहरु गर्न सकिने प्ल्याट्फर्म प्रदान गर्दै आएको छ । आरपिएसमा रु २० लाख प्रति कारोबार सीमा रहेको छ भने च्यानल तथा केसहरू प्रयोग गर्दछ बमोजिम एउटै बैंकमा गरिने कारोबारको उक्त सीमा रु १ करोड प्रति कारोबार सम्म रहेको छ ।