काठमाडौँ । प्रतिनिधि सभाको बैठकको समय परिवर्तन भएको छ । बिहान ११ बजेका लागि बोलाइएको बैठक सूचना टाँसेर दिउँसो २ बजेसम्मका लागि स्थगित गरिएको हो ।
सरकारले विद्युत प्राधिकरणका कार्यकारी निर्देशक कुलमान घिसिङलाई हटाएछि नेकपा ९माओवादी केन्द्र०सहितका प्रतिपक्षी दलहरुले विरोध गरेपछि बुधबारबाटै संसद् चल्न सकेको छैन ।
बुधबार पनि बिहान ११ बजेका लागि बोलाइएको बैठकमा दलहरुले अवरोध गरेपछि आधा घण्टाका लागि स्थगित भएको थियो । तर समयमा सुरु हुन नसकेपछि अपराह्न तीन बजेका लागि सारिएको बैठकमा प्रतिपक्षी दलले पुनः अवरोध गरेपछि बिहीबार ११ बजेसम्मका लागि स्थगित भएको थियो ।
कार्यकारी निर्देशक घिसिङको बर्खास्तीसम्बन्धमा सरकारको जवाफ नआएसम्म सदन चल्न नदिने प्रतिपक्षीको अडानका कारण बिहीबारको बैठक पनि प्रभावित भएको हो । प्रधानमन्त्री केपी शर्मा ओलीले भने सार्वजनिक कार्यक्रममा घिसिङलाई निकाल्नुको कारणबारे सदनमा कुनै जवाफ दिन आवश्यक नभएको बताउँदै आएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
