काठमाडौं । नेपाली कांग्रेसका सांसद विमलेन्द्र निधीलेले अराजकताको बाटो हिँडेर केही हत्याउँछु भन्ने सपना नदेख्न पूर्वराजा ज्ञानेन्द्र शाहलाई चेतावनी दिएका छन्।
बुधबार प्रतिनिधि सभा बैठकमा बोल्दै उनले यस्तो बताएका हुन्। उनले राजतन्त्र नेपाली जनताले व्यहोरेको विभिन्न प्रणालीहरूमध्ये असफल भएको बताए।
उनले भने, "हामीले ल्याएको प्रणाली कसैले दानमा दिएको होइन। नेपालमा हामीले संघीयता र गणतन्त्रको प्रणाली सार्वभौम जनताको अधिकार प्रयोग गर्नका लागि ल्याएका छौँ। नेपालमा हामीले थरीथरीका राजतन्त्र हेरिसकेका छौँ। पृथ्वीनारायण शाहको राजतन्त्रको मोडल पनि हेरिसकेका छौँ, त्रिभुवन राजाको मोडल पनि, ज्ञानेन्द्रको बालक अवस्थाको शासन पनि हेरिसकेका छौँ। त्यसपछि वीरेन्द्र र ज्ञानेन्द्रको शासनकालका दुष्परिणाम पनि देखिसकेका छौँ।"
निधीले गणतन्त्र नेपालका लागि सबैभन्दा उन्नत राजनीतिक प्रणाली भएको दाबी गर्दै यसलाई जोगाउन सबै दलहरू एकजुट रहेको बताए। उनले थपे, "संघीय लोकतान्त्रिक गणतन्त्रप्रति सबै राजनीतिक दलहरू प्रतिबद्ध छन्। कुनै पनि हालतमा नेपालमा राजतन्त्र फर्किँदैन, त्यो अवस्था छैन। जनताले कुनै पनि मोडलको राजतन्त्र चाहेका छैनन्। यसका लागि हामी जे पनि गर्न तयार छौँ।"
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
