काठमाडौं । राष्ट्रिय स्वतन्त्र पार्टीका सांसद मनिष झाले टिप्परहरूको लागि अलग्गै लाइसेन्सको व्यवस्था गर्न माग गरेका छन्।
प्रतिनिधि सभाको शुक्रबारको बैठकमा बोल्दै उनले टिप्परहरूले कानून नमान्दा सडक दुर्घटना बढिरहेको र यसका कारण स्थानीय तहका जनप्रतिनिधिहरूको लगानी भएका टिप्परहरू विशेष रूपमा नियम उल्लंघन गरिरहेका आरोप लगाए।
सांसद झाले सरकारको ध्यानाकर्षण गर्दै सीतापाइला र धार्केमा टिप्पर हिँड्न अनुमति नदिएको भए पनि स्थानीय नेता र ठेकेदारहरूको दबाबमा ती स्थानहरूमा टिप्परहरू जबरजस्ती चलाइरहेको दाबी गरे। उनले भने, "धेरै स्थानीय तहका प्रतिनिधिहरूको लगानी रहेको छ टिप्परका, उनीहरूले कानून मान्दैनन्।"
यसैबीच, उनले सडक दुर्घटना न्यूनीकरणका लागि कडा कदम चाल्नुपर्ने बताएका छन् र सोधेका छन्, "के सरकारले मृतकको संख्यामात्र गनेर बस्ने हो, कि सडक दुर्घटना न्यूनीकरणको पहल पनि गर्ने हो?"
सांसद झाले टिप्परका लागि टेक्निकल एडभाइसको आधारमा अलग्गै लाइसेन्सको व्यवस्था गर्नुपर्ने र सरकार तथा राज्य संयन्त्रको कमजोरीलाई चिन्ता व्यक्त गरेका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
