आजको पञ्चाङ्ग
काठमाडौं । २०८१ फागुन १९ गते, साेमवार, ३ मार्च २०२५। फाल्गुण शुक्ल पक्ष चतुर्थी तिथि। रेवती नक्षत्र १०ः३४ बजेपछि अश्विनी। चन्द्रराशि मीन, १०ः३४ बजेपछि मेष।
आजको राशिफल
मेष : दिन राम्रो छ। खर्च भने बढ्ने देखिन्छ। बोलीको प्रभावले राम्रो काम बन्नेछ। उपचारमा भए रोगबाट मुक्त हुने दिन छ। स्वदेशमा गरेको लगानीबाट फाइदा हुनेछ। परिवारबाट सुख मिल्नेछ।
वृष : दिन सहज छ। राज्यको तर्फबाट सेवाको अवसर मिल्नेछ। राजनीतिक क्षेत्रमा गरेको मिहिनेतको फल प्राप्त हुनेछ। परिवारको साथमा रमाइलो गर्ने दिन छ। प्रेम सम्बन्ध सुमधुर बन्नेछ।
मिथुन : दिन सहज छ। साथीभाइले सहयोग गर्नेछन्। शिक्षाको क्षेत्रमा गरेको लगानीबाट नाफा हुनेछ। परीक्षा लेखेको भए राम्रो नतिजा प्राप्त हुनेछ। परिवारमा प्रेम सम्बन्ध सुमधुर बन्नेछ।
कर्कट : आजको निर्णय दीर्घकालीन बन्ने योग छ। व्यापारमा गरेको मिहिनेतको फल प्राप्त हुनेछ। राजनीतिक क्षेत्रमा ठग सक्रिय भएकाले लगानी गर्नु अगाडि सचेत बन्नुपर्नेछ। परिवारको साथ र सहयोग मिल्नेछ।
सिंह : शिक्षाको क्षेत्रमा गरेको प्रयास सफल बन्नेछ। निजी क्षेत्रमा गरेको लगानीबाट फाइदा हुनेछ। उत्तरको लामो यात्रा नगर्नु राम्रो हुनेछ। धार्मिक व्यक्तिसँगको भेटले तपाईंको महत्त्वपूर्ण काम बन्ने योग छ।
कन्या : अप्रिय शब्दले मन अशान्त बन्नेछ। राजनीतिक क्षेत्रमा विपक्षी साथीको प्रतिवाद सुन्नुपर्ने हुनसक्छ। ठुलो लगानीमा परिवारको तर्फबाट मात्र रकम खर्च गर्नु उचित हुनेछ। परिवारसँगको सम्बन्ध सुमधुर बन्नेछ।
तुला : परिवारको साथमा घुम्ने अवसर मिल्नेछ। प्रेम सम्बन्ध सुमधुर बन्ने योग छ। खानपानमा ख्याल नगर्दा स्वास्थ्यमा भने जटिल समस्या देखिने जोखिम छ। आज विपक्षी साथीबाट प्रशंसा सुन्न सकिने छ।
वृश्चिक : एकल निर्णय नगर्नु उचित हुनेछ। शिक्षाको क्षेत्रमा गरेको प्रयास सफल बन्नेछ। परिवारको सल्लाह लिएर अगाडि बढेमा लक्ष्य प्राप्त हुनेछ। प्रेम सम्बन्ध सुमधुर बन्नेछ।
धनु : शुभ ग्रहको बहुमत भएको दिन छ। रोग प्रतिरोधात्मक क्षमता बढाउन औषधी नियमित गर्नुपर्नेछ। गोप्य कुरा साथीलाई सुनाएमा मात्र घाटा हुने जोखिम छ। परिवार भित्र खेल्ने मान्छेले दुःख दिने भएकाले सचेत बन्नुपर्नेछ।
मकर : दिन सामान्य छ। अन्त्य साढेसाती दशाले गर्दा सोचेका काममा अवरोध सिर्जना हुनेछ। आफ्ना भनिएका भन्दा विपक्षी साथीले सहयोग गर्नेछन्। धार्मिक व्यक्तिसँगको भेटले मनमा शान्ति मिल्नेछ। परिवारको साथ र सहयोग प्राप्त हुनेछ।
कुम्भ : दाजुभाइसँग सहकार्य गरेर अगाडि बढेमा काम सफल बन्नेछ। सञ्चित धन खर्च हुने दिन छ। मध्यसाढेसाती दशाबाट मुक्त हुन धार्मिक कार्यमा सहभागी भएर दिनको सुरुवात गर्नु उचित हुनेछ। परिवारको सल्लाह लिएर अगाडि बढ्ने दिन छ।
मीन : भएको सम्पत्ति सदुपयोग गर्नुपर्ने दिन छ। सुरुवाती शनिदेवका कारण साथी टाढा हुने जोखिम छ। गोपनीयता भंग नगर्नु उचित हुन्छ। परिवारको सल्लाहमा गरेको काम सफल बन्नेछ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
