काठमाडौं । तनहुँमा पन्यु तताएर ४ विद्यार्थीको गालामा डाम्ने प्रिन्सिपलकी छोरीलाई प्रहरीले पक्राउ गरेको छ । भिमाद नगरपालिकाको भिमाद बजारस्थित प्रभात एकेडेमी बोर्डिङ स्कुलकी लेखापाल प्रिन्सिपलकी छोरी सुषमा श्रेष्ठलाई प्रहरीले नियन्त्रणमा लिएको हो ।
तनहुँका प्रहरी नायब उपरीक्षक अशोक थापाले कक्षा ४ मा अध्ययनरत १० वर्षीय प्रमिश परियारसहित चार जना विद्यार्थीलाई तातो पन्युले गालामा डामेको आरोपमा श्रेष्ठलाई पक्राउ गरिएको जानकारी दिए ।
तातो पन्युले डामिएका विद्यार्थीको गालामा पन्युको छाप बसेको छ । कक्षाकोठामा विद्यार्थीले होहल्ला गरेको र आफूलाई काली भनेको आक्रोशमा शिक्षिका श्रेष्ठले पन्युले डामेको प्रारम्भिक अनुसन्धानका क्रममा पाइएको थापाले बताए ।
अनुसन्धानका क्रममा शिक्षिकाले आवेशमा आएर आफूले गल्ती गरेको स्वीकारेको प्रहरीको भनाइ छ । यस घटनाको जिल्लास्थित विद्यार्थी सङ्घ तथा सङ्गठनले विरोध गरेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
