आजको पञ्चाङ्ग
काठमाडौं । २०८१ माघ १६ गते, बुधवार, २९ जनवरी २०२५। माघ कृष्णपक्ष औंसी तिथि, १८ः५० बजेपछि प्रतिपदा। उत्तराषाढा नक्षत्र, ९ः०३ बजेपछि श्रवण। चन्द्रराशि मकर।
आजको राशिफल
मेष : दिन राम्रो छ। सञ्चित धन खर्च हुनेछ। खर्च गर्न पाउँदा मनमा सन्तुष्टि मिल्नेछ। परिवारले सचेत गराएको कुराले मन भने अशान्त बन्नेछ। अप्ठेरो अवस्थामा विपक्षी साथीले साथ दिनेछन्। व्यापारमा आम्दानी हुनेछ।
वृष : थोरै बोलेर अगाडि बढ्नु राम्रो हुनेछ। स्वास्थ्यमा सुधार हुनेछ। शिक्षामा गरेको प्रयास सफल बन्नेछ। साथीभाइको साथ मिल्नेछ। व्यापारमा फाइदा हुनेछ। विदेशमा लगानी गरेको भए नाफा हुनेछ।
मिथुन : सञ्चित रकम खर्च हुनेछ। सानो कुराले मन अशान्त बन्नेछ। खानपानमा ख्याल नगर्दा स्वास्थ्यमा समस्या हुने जोखिम छ। दक्षिणको लामो यात्रा नगर्नु उचित हुनेछ। धार्मिक व्यक्तिसँगको भेटले मन शान्त बन्नेछ। लगानी गरेको भए धार्मिक क्षेत्रबाट लाभ हुनेछ।
कर्कट : मन अशान्त बन्ने जोखिम छ। शनि उच्च स्थानमा भए आज प्रगति हुनेछ। यसका लागि जन्मकुण्डली हेर्नुपर्ने हुन्छ। परिवारसँग घुमघामको अवसर मिल्नेछ। लगानीका क्षेत्रमध्ये स्वदेशी लगानीमा अवसर देखेर मन शान्त बन्नेछ।
सिंह : मन अशान्त बन्ने जोखिम छ। शिक्षामा गरेको प्रयास सफल भए पनि सन्तुष्टि नमिल्ने जोखिम छ। खानपानमा ख्याल नगर्दा रोगले सताउने छ। बाहिरको खानामा जोगिनु उचित हुनेछ। परिवारले राम्रो साथ दिनेछ। प्रेम सम्बन्ध सहज बन्नेछ।
कन्या : शिक्षाको क्षेत्रका बौद्धिक व्यक्तिसँग भेट हुनेछ। यस्तो भेटले सिर्जनात्मक काम गर्ने अवसर मिल्नेछ। उपचारकोक्रममा भए स्वास्थ्यमा सुधार हुनेछ। परिवारको साथ र सहयोग प्राप्त हुनेछ।
तुला : परिवारबाटै असहयोग हुने दिन छ। गोपनीयता भंग गर्नाले अप्ठेरो परिस्थिति बन्ने जोखिम छ। काम गरेर मात्र महत्त्वपूर्ण कुरा सार्वजनिक गर्नु उचित हुनेछ। शिक्षामा गरेको प्रयास सफल बन्नेछ। विपक्षी साथीले सहयोग गर्ने भएकाले कामलाई निरन्तरता दिनु उचित हुनेछ।
वृश्चिक : दाजुभाइसँगको सहकार्यबाट उन्नति हुनेछ। सहकर्मी अनुकुल भएकाले महत्त्वपूर्ण काम सहजै बन्नेछ। निजी क्षेत्रमा गरेको शिक्षा क्षेत्रको लगानीबाट फाइदा हुनेछ। बौद्धिक व्यक्तिलाई विश्वास गर्दा घाटा हुने दिन छ।
धनु : धनलक्ष्मी योग परेको छ। सम्पत्तिको सदुपयोग गर्नुपर्ने समय छ। स्वास्थ्यले साथ दिँदा मनमा उत्साह बढ्नेछ। गोप्य कुरा सार्वजनिक नगर्नु उचित हुनेछ। उत्तरको एकल यात्रा नगर्नु राम्रो हुनेछ।
मकर : तपाईंको राशिमा चन्द्रमा पुगेकाले दिन राम्रो छ। नयाँ कामको सुरुवात हुनेछ। लगानीका क्षेत्रबाट फाइदा हुनेछ। एकल निर्णय लिएर अगाडि बढ्नु राम्रो हुनेछ। स्वास्थ्य क्षेत्रमा गरेको प्रयास सफल बन्नेछ। दाम्पत्य जीवनमा संकट देखिने जोखिम रहेको छ।
कुम्भ : साथीभाइको साथ मिल्नेछ। सम्पत्ति जोड्ने अवसर मिल्नेछ। गुम्न लागेको धन हात लाग्नेछ। बौद्धिक व्यक्तिले विरोध गरे पनि तपाईंले सोचेको काम बन्नेछ। अप्ठेरो परिस्थितिमा परिवारको साथ मिल्नेछ।
मीन : सुरुवाती साढेसाती दशा जारी छ। जसका कारण सञ्चित धन खर्च हुनेछ। शिक्षामा गरेको प्रयासमा अझ मेहनत गर्नुपर्नेछ। व्यापारमा फाइदा हुनेछ। प्रेम सम्बन्ध सुमधुर बन्नेछ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
