काठमाडौं । संयुक्त अरब इमिरेट्सको राष्ट्रिय ध्वजा बाहक फ्लाइ दुबईले भैरहवास्थित गौतमबुद्ध अन्तर्राष्ट्रिय विमानस्थलमा पुनः उडान सुरु गर्ने भएको छ ।
फ्लाइ दुबईले यही पुस २९ गतेदेखि पुनः उडान थाल्ने भएको हो ।
गौतमबुद्ध विमानस्थलका महाप्रबन्धक प्रतापबाबु तिवारीले गत डिसेम्बर १५ देखि उडान रोकेको फ्लाइ दुबईले पुस २९ (जनवरी १३) देखि पुनः उडान थाल्ने जानकारी दिए ।
मंसिरसम्म ५ एयरलाइन्स कम्पनीले अन्तर्राष्ट्रिय उडान गर्दै आएका थिए । नेपाल वायुसेवा निगम (नेपाल एयरलाइन्स), जजिरा एयर, फ्लाइ दुबई, थाइ एयर एसिया र कतार एयरवेजले नियमित उडान गर्दै आएका थिए । तर, पुस लागेपछि मौसकको कारण देखाउँदै नेपाल एयरलाइन्स बाहेक अरुले उडान रोकेका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
