काठमाडौं । सरकारले नेपाल बीमा प्राधिकरणको अध्यक्ष नियुक्त प्रक्रिया अघि बढाएको छ ।
सोमबार बसेको मन्त्रिपरिषद बैठकले प्राधिकरणको अध्यक्ष नियुक्तिका लागि सिफारिस समिति गठन गरेको हो ।
सरकारले राष्ट्रिय योजना आयोगको सम्बन्धित क्षेत्र हेर्ने सदस्यको संयोजकत्वमा सिफारिस समिति गठन गरेको हो । समितिको सदस्यमा अर्थ सचिव र विज्ञ सदस्यको रुपमा ज्योतिचन्द्र ओझा रहेका छन् ।
प्राधिकरणका निवर्तमान अध्यक्ष सूर्यप्रसाद सिलवाल विरुद्ध अख्तियार दुरूपयोग अनुसन्धान आयोगले मंसिर २४ गते भ्रष्टाचारको मुद्दा दायर गरेको थियो । सिलवाल विरुद्ध नागरिकता केरमेट गरेर ३ वर्ष उमेर घटाई ढाँटेर लाभ लिएको आरोपमा मुद्दा दायर भएपछि उनी स्वतः निलम्बनमा परेका थिए । अध्यक्ष पद अहिले रिक्त छ ।
हाल प्राधिकरणको अध्यक्षको जिम्मेवारी अर्थ मन्त्रालयका सहसचिव मदन दहालले सम्हालिरहेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
