काठमाडौं । नागरिक लगानी कोषका सहभागीहरूले अब बचत रकमको ९० प्रतिशतसम्म ऋण सापटी पाउने भएका छन् । कोषले कोषमा आबद्ध सदस्यहरुको सुविधाको लागि सापटीको सीमा बढाएको हो ।
यसअघि कोषमा आबद्ध सदस्यले आफ्नो नाममा जम्मा रहेको बचत रकमको ८० प्रतिशतसम्म ऋण सापटी पाउँथे ।
त्यस्तै, कोषले अब सबै शाखा कार्यालयहरूबाट समेत आवास र सरल कर्जा उपलब्ध गराउने भएको छ । कोषले कोषमा सहभागीहरुलाई सबै शाखा कार्यालयहरुबाट निश्चित रकमसम्मको आवास र सरल कर्जा दिने व्यवस्था मिलाएको हो ।
यसअघि सबै शाखा कार्यालयहरुले आवास र सरल कर्जा स्वीकृतिको लागि कर्जाको कागजपत्र केन्द्रीय कार्यालयमा पठाउनु पर्ने व्यवस्था थियो ।
कोषका सहभागीलाई मोफसलबाट समेत यस्तो कर्जा लिन सहज होस् भन्ने उद्देश्यले कर्जा सुविधालाई सहज बनाइएको कोषले जनाएको छ ।
नयाँ व्यवस्थापछि निश्चित रकमसम्मको कर्जा अब शाखा कार्यालयबाट नै उपलब्ध हुने भएकोले सेवाग्राहीलाई कर्जा कारोबारमा सहजता मिल्ने अपेक्षा कोषले गरेको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
