काठमाडौं । आइतबार घटेको सुनको मूल्य आज (सोमबार) थोरै बढेको छ।
आज सुनको मूल्य तोलामा एकसय रुपैयाँ बढेर एक लाख ६० हजार एकसय रुपैयाँ पुगेको नेपाल सुनचाँदी व्यवसायी महासंघले जनाएको छ। हिजो सुनको मूल्य एक लाख ६० हजार रुपैयाँ थियो।
गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो।
त्यसयताका दुई सातामा सुनको मूल्य ११ हजार रुपैयाँ घटिसकेको छ।
आज चाँदीको मूल्य पनि तोलामा १५ रुपैयाँ रुपैयाँले बढेको छ। हिजो मूल्य घटेर एक हजार नौसय पाँच रुपैयाँमा झरेको चाँदी आज एक हजार नौसय २० रुपैयाँमा कारोबार भइरहेको महासंघले जनाएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
