काठमाडौं । अमेरिकाको ४७ औं राष्ट्रपतिमा रिपब्लिकन पार्टीका उमेदवार डोनाल्ड ट्रम्प विजयी भएका छन्। उनी डेमोक्र्याटिक पार्टीकी उमेदवार कमला ह्यारिसलाई पराजित गर्दै पुनः अमेरिकी राष्ट्रपति बनेका हुन् ।
सार्वजनिक पछिल्लो मत परिणाम अनुसार जितका लागि २७० इलेक्टोरल कलेज आवश्यक पर्नेमा ट्रम्पले हालसम्म २७९ इलेक्टोरल जितेका छन् भने मत परिणाम आउन बाँकी राज्यमा पनि उनी नै अगाडी छन् । यस अनुसार ट्रम्पले ३०० बढी इलेक्टोरल जित्ने देखिएको छ ।
ट्रम्प अमेरिकी राष्ट्रपतिमा निर्वाचित भएको यो दोस्रो पटक हो । यसअघि उनी सन् २०२६ मा निर्वाचित भएका थिए । उनी दुवै पटक महिला उमेदवारलाई हराएका राष्ट्रपति बनेका हुन् । यसअघि हिलारी क्लिनटनलाई पराजित गरेका थिए ।
सन् २०२० मा भने हालका राष्ट्रपति जो बाइडनसँग पराजित भएका थिए । निर्णायक मानिएका ७ वटा स्विङ स्टेटमध्ये ट्रम्पले ४ वटामा जित हात पारिसकेका छन् भने अरु २ वटामा अग्रता लिइरहेका छन् ।
ट्रम्प पपुलर मतमा पनि अगाडि छन् । ट्रम्पले ७ करोड ८ लाख मत पाउँदा कमलाले ६ करोड ५८ लाख मत प्राप्त गरेकी छन्।
यसपटक अमेरिकामा इतिहासकै कडा प्रतिस्पर्धा हुने र अमेरिकी इतिहासमा पहिलो पटक महिला राष्ट्रपति चुनिने सम्भावना रहेको विश्लेषण भइरहेको थियो । तर डोनाल्ड ट्रम्पले सहजै चुनाव जितेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
