आजको पञ्चाङ्ग
काठमाडौं । २२ कार्तिक २०८१ | बिहीवार ७-नाेभेम्बर २०२४। कार्तिक शुक्लपक्ष षष्ठी तिथि। पूर्वाषाढा नक्षत्र, ९ः४२ बजेपछि उत्तराषाढा। चन्द्रराशि धनु, १५ः४२ बजेपछि मकर।
आजको राशिफल
मेष : साथीभाइ र परिवारको साथ मिल्नेछ। स्वास्थ्यमा देखिएको समस्याको सुधार हुनेछ। उत्तरको यात्रा नगर्नु राम्रो हुनेछ। शिक्षामा गरेको लगानीबाट प्रशंसा हुनेछ। प्रेम सम्बन्ध सुमधुर बन्नेछ।
वृष : साना कुरामा रिस उठ्नसक्छ। रिसलाई नियन्त्रणको प्रयास गर्नु राम्रो हुनेछ। साथीभाइले असहयोग गर्ने भएकाले सचेत हुनुपर्नेछ। खानपानमा समस्या हुनेछ। राजनीतिक संगठनमा भने सेवाको अवसर मिल्नेछ।
मिथुन : सप्तम भावमा चन्द्रमा पुगेकाले मनमा भएका विकृति हटेर जानेछन्। परिवारभित्र गरेको लगानी नउठ्ने खतरा छ। राजनीतिक संगठनमा गरेको प्रयास सफल नहुने भएकाले सचेत बन्नुपर्नेछ।
कर्कट : आफन्त टाढिने दिन छ। थोरै बोलेर आफन्तलाई खुशी पार्न सकिन्छ। स्वास्थ्य र शिक्षाको लगानीबाट राम्रो फाइदा हुनेछ। लगानीका लागि हिम्मत गर्नुपर्नेछ। परिवारमा भने तपाईंको भन्दा अरुको कुरा बढी बिक्नसक्छ। व्यवहार गर्दा सचेत बन्नु राम्रो हुनेछ।
सिंह : दिन राम्रो छ। धार्मिक क्षेत्रका अभियान्तासँगको भेटले मनमा शान्ति मिल्नेछ। स्वास्थ्यमा सुधार हुनेछ। वैदेशिक रोजगारीको क्षेत्रमा गरेको प्रयासमा सफलता मिल्नेछ। प्रेम सम्बन्ध सुमधुर बन्ने योग छ।
कन्या : परिवारको सल्लाहमा अगाडि बढेमा दिन सहज छ। सञ्चित धन अनुत्पादक क्षेत्रमा खर्च हुने जोखिम छ। खानपानमा ख्याल नगर्दा स्वास्थ्यमा समस्या हुनसक्छ। राजनीतिक क्षेत्रमा अगाडि नबढ्नु राम्रो हुनेछ।
तुला : दिन सहज छ। आफन्तले साथ दिनेछन्। प्राविधिक क्षेत्रमा गरेको लगानीबाट राम्रो फाइदा हुनेछ। परिवारले साथ दिनेछ। प्रेम सम्बन्ध सुमधुर बन्नेछ।
वृश्चिक : औषधी नियमित नहुँदा रोगले सताउने जोखिम छ। धनस्थानमा रहेका चन्द्रमाले सम्पत्तिको संरक्षणका लागि साथ दिनेछन्। परिवारको तर्फबाट रचनात्मक साथ र सहयोग मिल्नेछ। खानपानमा विशेष ध्यान दिनुपर्नेछ।
धनु : आफूले नेतृत्व गरेको संस्थामा विरोध हुनसक्छ। तपाईंको पक्षमा बहुमत भएकाले विरोधको स्वर कमजोर हुनेछ। मनमा लागेको कुरामा निरन्तर दिएमा सफलता मिल्नेछ।
मकर : तपाईंले गरेका राम्रा कामको जस अरुले लिनेछन्। व्यापारमा घाटा हुने योग छ। दाजुभाइको साथ र सहयोग प्राप्त हुनेछ। शिक्षाका क्षेत्रमा ढिलासुस्ती हुनसक्छ। बिहान उठेर पिपलको दर्शन गरेमा दिन सहज बन्नेछ।
कुम्भ : समकक्षीसँग सहकार्य गर्नु फाइदा हुनेछ। आफूभन्दा ठुलासँग गरेको कारोबारले घाटा हुनेछ। संकटको समयमा आफन्तले साथ दिनेछन्। बिहान शिवको भजन सुनेमा दिन सहज र शान्त बन्नेछ।
मीन : दिन सहज छ। आफ्नो योजना सार्वजनिक नगरी काम गर्नु राम्रो हुनेछ। काम सुरु नहुँदै विषयवस्तु सार्वजनिक गरेमा धोका हुनेछ। राज्यको तर्फबाट भन्दा निजी लगानीबाट फाइदा हुनेछ। साथीको साथ र सहयोग प्राप्त हुनेछ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
