काठमाडौं । सेयर बजारमा लगातार तेस्रो दिन दोहोरो अंकको गिरावट आएको छ । बुधबारदेखि लगातार दोहोरो अंकले घट्दै आएको नेप्से आज पनि २५ अंकले घटेको हो । पछिल्ला ३ दिनमै नेप्से १२७ अंकले घटेको छ ।
आइतबार नेप्से परिसूचक २५.४६ अंकले घटेर २७०१.९० बिन्दुमा आइपुगेको छ । ३२८ कम्पनीको २ करोड २२ लाख ६२ हजार ९२४ कित्ता सेयर किनबेच भएको छ । आज १० अर्ब १२ करोड रुपैयाँ बढीको सेयर किनबेच भएको छ ।
आज कारोबारमा आएका १३ वटा समूह मध्ये ३ समूहको परिसूचक बढेको छ भने १० को घटेको छ । माइक्रोफाइनान्स समूह परिसूचक सबैभन्दा धेरै १.६१ प्रतिशतले बढेको छ भने विकास बैंक समूह २.०७ प्रतिशतले घटेको छ ।
आज सीईडीबी हाइड्रोपावरको सर्वाधिक ४२ करोड १९ लाख रुपैयाँको सेयर किनबेच भएको छ । त्यस्तै, एचआइडीसीएलको प्रमोटर सेयर झण्डै ३६ करोड बढीको कारोबार भएको छ ।
आज कारोबारमा आएका मध्ये ८६ कम्पनीको सेयर मूल्य बढेको छ भने १५६ कम्पनीको घटेको छ ।
घट्दो बजारमा पनि आज ३ कम्पनीको सेयर मूल्यमा पोजेटिभ सर्किट लागेको छ । महुली लघुवित्त, श्रृजनशील लघुवित्त र मिड सोलु हाइड्रोपावरका सेयरधनीले ठ्याक्कै १० प्रतिशत कमाएका छन् ।
थ्रीस्टार हाइड्रोपावरका सेयरधनीले भने सर्वाधिक १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
