काठमाडौं । सेयर बजारमा गिरावट जारी रहेको छ । गत सातामा मात्रै २२५ अंकले घटेको नेप्से यस साता पहिलो कारोबार दिनमै ५३ अंकले घटेको छ ।
सूचकसँगै कारोबार रकममा पनि दिनदिनै घट्दो क्रममा छ । दुईसाता अघि झण्डै ३० अर्ब रुपैयाँसम्म पुगेको दैनिक कारोबार आज १० अर्ब ५१ करोड रुपैयाँमा सीमित भएको छ ।
आइतबार नेप्से परिसूचक ५३.६३ अंकले घटेर २६९५.९३ बिन्दुमा आइपुगेको छ । आज ३३७ कम्पनीको २ करोड ६२ लाख ४६ हजार ४३५ कित्ता सेयर किनबेच भएको छ ।
कारोबारमा आएका १३ समूहमध्ये म्युचुअल फण्ड बाहेक अरु समूहको परिसूचक घटेको छ । आज फाइनान्स समूहको परिसूचक सबैभन्दा धेरै ३.४४ प्रतिशतले घटेको छ ।
आज गुडविल फाइनान्सको ५२ करोड ३१ लाख रुपैयाँ बढीको सेयर किनबेच भएको हो । त्यस्तै, हिमालयन रि इन्स्योरेन्सको ३३ करोड ४३ लाख रुपैयाँको सेयर कारोबार भएको छ ।
आज कारोबारमा आएका कम्पनीमध्ये ३१ कम्पनीको मात्र मूल्य बढेको छ भने २०९ कम्पनीको घटेको छ ।
घट्दो बजारमा पनि आज सुपर माइ हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
आज ३ कम्पनीको मूल्यमा नेगेटिभ सर्किट लागेको छ । पिपुल्स हाइड्रोपावर, माइ खोला हाइड्रोपाव र थ्रीस्टार हाइड्रोपावरको सेयर मूल्य १० प्रतिशतले घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
