काठमाडौं ।जीवन बीमक आइएमई लाइफ इन्स्योरेन्सको प्रमुख कार्यकारी अधिकृत पदमा कवि फुयाँलले दोश्रो कार्यकालका लागि पनि निरन्तरता पाएका छन् ।
बीमा नियामक नेपाल बीमा प्राधिकरणले इन्स्योरेन्सको सञ्चालक समितिको निर्णयका आधारमा फुयाँलको करार सम्झाैता नविकरणका लागि स्वीकृति दिएको हो । प्राधिकरणका अनुसार सोमबार फुयाँलको नियुक्ति सम्बन्धि सिफारिश स्वीकृत गरिएको हो । अब उनले थप ४ वर्ष इन्स्योरेन्सको नेतृत्व गर्नेछन् ।
इन्स्योरेन्सको साउन १४ गते बसेको २०१ औं बैठकले फुयाँलको पहिलो कार्यकालको प्रगती उत्कृष्ट रहेकाले थप एक कार्यकालका लागि नियुक्त गर्ने निर्णय गरेको थियो । सञ्चालक समितिको निर्णय प्राधिकरणबाट स्वीकृत भएपछि सोमबारदेखि फुँयालको नियुक्ति सम्बन्धि सञ्चालक समितिको निर्णयले औपचारिकता प्राप्त गरेको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
