काठमाडौं । फर्स्ट माइक्रोफाइनान्स लघुवित्त वित्तीय संस्थाको खुद नाफामा गिरावट आएको छ । लघुवित्तले मंगलबार सार्वजनिक गरेको गत आर्थिक वर्ष २०८०/८१ को चौथो त्रैमासको अपरिष्कृत वित्तीय विवरण अनुसार खुद नाफा १२.०४ प्रतिशतले घटेको हो ।
लघुवित्तले गत आवको असार मसान्तसम्ममा १७ करोड ४२ लाख ९० हजार रुपैयाँ खुद नाफा कमाएको छ । यो अघिल्लो आव २०८०र८० को तुलनामा २ करोड ३९ लाख रुपैयाँ कम हो । लघुवित्तले अघिल्लो वर्ष असारसम्म १९ करोड ८१ लाख रुपैयाँ नाफा कमाएको थियो ।
समीक्षा अवधिमा लघुवित्तको खुद ब्याज आम्दानी र संचालन मुनाफा घट्दा खुद नाफामा गिरावट आएको हो ।
समीक्षा अवधिमा लघुवित्तको खुद ब्याज आम्दानी २८.८७ प्रतिशतले घटेर ३० करोड ८१ लाख रुपैयाँमा सीमित भएको छ । त्यस्तै, संचालन मुनाफा १२.३८ प्रतिशतले घटेर २५ करोड १० लाख रुपैयाँमा सीमित भएको छ ।
समीक्षा अवधिमा लघुवित्तले ६ अर्ब ९६ करोड रुपैयाँ सापटी लिई ७ अर्ब ४४ करोड रुपैयाँ कर्जा लगानी गरेको छ ।
हाल १ अर्ब २३ करोड रुपैयाँ चुक्ता पूँजी रहेको लघुवित्तको जगेडा कोषमा २९ करोड १० लाख रुपैयाँ र रिटेन्ड अर्निङमा १३ करोड ६९ लाख रुपेयाँ संचित छ । लघुवित्तको वितरण योग्य नाफा १३ करोड ६९ लाख रुपैयाँ छ । यसबाट ११.१० प्रतिशतसम्म लाभांश दिन सक्छ ।
नाफा घटेसँगै लघुवित्तको प्रतिसेयर आम्दानी पनि घटेको छ । समीक्षा अवधिमा लघुवित्तको प्रतिसेयर आम्दानी १७.२६ रुपैयाँबाट घटेर १४.१३ रुपैयाँमा सीमित भएको छ । प्रतिसेयर नेटवर्थ १३४.७६ रुपैयाँ छ ।
यस अवधिमा लघुवित्तको खराब कर्जा ०.६६ प्रतिशतबाट बढेर २.०७ प्रतिशत पुगेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
