काठमाडौं । आगामी मंसिर २ गतेसम्म काठमाडौंको न्यूरोड क्षेत्रमा फुटपाथ विस्तारको काम नगर्ने सहमति भएको छ ।
सोमबार काठमाडौं महानगरपालिका र आन्दोलनरत वडाका जनप्रतिनिधि तथा स्थानीय बीच भएको वार्तामा यस्तो सहमति भएको हो।
महानगरका मेयर बालेन्द्र शाह (बालेन), उपमेयर सुनीता डंगोल, वडा नं. २२ र २३ का वडाध्यक्षसहितको वार्तामा फुटपाथ विस्तारको बारेमा अध्ययन गर्न एक समिति बनाउने सहमति भएको हो ।
उक्त समितिले मंसिर २ गतेसम्म प्रतिवेदन बुझाउने र सो समयसम्म फुटपाथ निर्माण सम्बन्धी काम रोक्ने निर्णय भएको हो ।
उच्च अदालत पाटनले फुटपाथ विस्तारको बाटो खोलिदिएसँगै महानगरले साउन २ गतेदेखि न्यूरोड क्षेत्रमा काम थालेको थियो । महानगरको उक्त कार्यविरुद्ध जनप्रतिनिधि सहित स्थानीय आन्दोलित भएपछि महानगरले सहमति गरेको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
