काठमाडौं । नागरिक लगानी कोषको ५० हजार कित्ता संस्थापक (प्रमोटर) सेयर लिलामीमा आएको छ ।
एनआइसी एसिया बैंकले आफ्नो स्वामित्वमा रहेको कोषको उक्त सेयर लिलामीमा ल्याएको हो ।
उक्त सेयरमा बैंक तथा वित्तीय संस्था र बीमा कम्पनीले मात्र बोलपत्र पेस गर्नसक्नेछन् । लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ ।
लगानीकर्ताले न्यूनतम १० हजार कित्ताका लागि आवेदन दिनुपर्नेछ । त्यस्तै, सेयरको भाउ न्यूनतम ७०७ रुपैयाँभन्दा घटाउन पाइने छैन् ।
कोषको सेयर खरिद गर्न इच्छुक लगानीकर्ताले साउन १४ गतेभित्र एनआइसी क्यापिटल थापाथली, एनआइसी एसिया बैंकको कर्पोरेट कार्यालय, थापाथलीका साथै शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सकिनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
