काठमाडौं । एनआइसी एशिया बैंक आफ्ना स्थापनाको २७ औं वर्षमा प्रवेश गरेको छ । बैंक आइतबार २६औं वर्ष पूरा गरी २७औं वर्षमा प्रवेश गरेको हो ।
यो यात्राका दौरान साथ, सहयोग, योगदान गर्ने समस्त ग्राहक, नियामक निकायहरू, सेयरधनी,कर्मचारीहरू लगायत सम्पूर्ण सरोकारवालाहरू प्रति बैंकले आभार व्यक्त गरेको हो ।
आगामी दिनहरुमा विश्वस्तरीय, अत्याधुनिक, प्रविधिमैत्री, ग्राहकमैत्री तथा अनुकरणीय अनुभव सहितको बैंकिङ्ग सेवा एवम् सुविधाहरु प्रदान गर्दै पहिलो रोजाइको बैंक बन्ने एनआइसीले अठोट गरेको छ ।
हाल बैंकले देशभरका ३६० शाखा कार्यालयहरू, ६७० एटीएम, ११८ वटा विस्तारित काउन्टर एवं ५१ वटा शाखा रहित शाखा सञ्जालबाट अत्याधुनिक बैंकिङ सेवा प्रदान गर्दै आएको छ ।
स्थापना कालदेखि हालसम्ममा प्रत्यक्ष र अप्रत्यक्ष गरी कुल रू. २६ अर्ब ५९ करोड भन्दा बढी राजश्व नेपाल सरकारलाई भुक्तानी गरेको बैंकले जनाएको छ । गत आवमा मात्रै २ अर्ब ८९ करोड राजस्व सरकारलाई बुझाएको बैंकले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
