add

साउन १ गतेदेखि नै निजामती कर्मचारीको तलब समायोजन गर्न सर्वोच्चको आदेश






ActPro Nepal

|

२७ असार, २०८१

|
137

काठमाडौं । सर्वोच्च अदालतले मर्यादाक्रम अनुसार निजामती कर्मचारीको तलबमान समायोजन गर्न आदेश दिएको छ ।

सर्वोच्वका न्यायाधीश मनोज कुमार शर्मा र सुनिल कुमार पोस्रेलको संयुक्त इजलासले आगामी साउन १ गतेदेखि नै लागू हुने गरी तलबमा समायोजन गर्न सरकारको नाममा परमादेश दिएको हो ।

महान्यायाधिवक्ता कार्यालयका कर्मचारीहरू भरतप्रसाद मैनाली, गोविन्द खनालसहित ३३ जनाले समान मर्यादा क्रममा रहे पनि तलबमान फरक फरक भएको भन्दै मुद्दा दायर गरेको थिए । सो मुद्दाको फैसला गर्दै सर्वोच्चले समान मर्यादा क्रममा रहेका कर्मचारीको तलबमानमा विभेद नगर्न सरकारको नाममा आदेश जारी गरेको हो ।

अदालतको आदेशसँगै साउन देखि शाखा अधिकृत, उप सचिव र सहसचिवको तलवमान समायोजन हुनेछ । यसबाट राज्यलाई मासिक झण्डै ३ करोड रुपैयाँ दायित्व थपिने भएको छ ।

सरकारले २०७६ वैशाख १६ गते निजामती कर्मचारीहरूको मर्यादाक्रम निर्धारण गरेको थियो । एउटै मर्यादा क्रममा रहेका कर्मचारीहरूको तलबमान भने फरक फरक थियो ।


एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुकट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।


testbelow article3 ads  below article3 ads below article

प्रतिक्रिया

थप केही समाचार

Top

COPYRIGHT ©actpronepal.com 2024. ALL RIGHTS RESERVED.