काठमाडौं । रिलायन्स स्पिनिङ मिल्स लिमिटेडको खुद नाफामा भारी गिरावट आएको छ । कम्पनीले आइतबार सार्वजनिक गरेको चालु आर्थिक वर्ष २०८०/८१ को तेस्रो त्रैमासमा गत असारको तुलनामा खुद नाफा ९७.१६ प्रतिशतले घटेको हो ।
चैतसम्म कम्पनीले २ करोड ६३ लाख २३ हजार रुपैयाँ खुद नाफा कमाएको छ । यो गत असारको तुलनामा ९० करोड १५ लाख रुपैयाँ कम हो । असार मसान्तसम्म कम्पनीले ९२ करोड ७८ लाख २१ हजा रुपैयाँ नाफा कमाएको थियो ।
समीक्षा अवधिमा कम्पनीको व्यापारमा उच्च गिरावट आउँदा नाफामा पहिरो गएको हो । गत वर्ष असारसम्म १० अर्ब ५८ लाख रुपैयाँ व्यापार गरेको कम्पनीले चैतसम्म आइपुग्दा ७ अर्ब २१ लाख रुपैयाँ मात्रै कायम भएको छ ।
यस्तै, कम्पनीको अन्य आम्दानी पनि ३ करोड ७४ लाखबाट घटेर २ करोड १४ लाख रुपैयाँ झरेको छ । वित्तीय खर्च २४ करोड ९० लाखबाट बढेर ३७ करोड ३३ लाख पुगेको छ ।
हाल १ अर्ब ७० करोड ७३ लाख रुपैयाँ चुक्ता पूँजी रहेको कम्पनीका अन्य इक्विटीमा ५ अर्ब ३२ करोड रुपैयाँ संचित ।
नाफामा उच्च गिरावट आएसँगै कम्पनीको प्रतिसेयर आम्दानी ७२.४६ रुपैयाँबाट घटेर २.०८ रुपैयाँमा सीमित भएको छ । कम्पनीको प्रतिसेयर नेटवर्थ ४११.६९ रुपैयाँ छ ।
कम्पनीले यही असार २७ गतेदेखि वैदेशिक रोजगारीमा रहको नेपालीका लागि बुक बिल्डिङ विधिबाट आइपीओ जारी गर्दैछ । कम्पनीले प्रतिकित्ता ८२०.८० रुपैयाँको दरले आइपीओ जारी गर्न लागेको हो । आवेदन दिन सक्नेछन् । यस आइपीओमा लगानीकर्ताले साउन १० गतेसम्म आवेदन दिन सक्नेछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
