काठमाडौं । आईसीसी टी–२० विश्वकप क्रिकेटको सुपर ८ अन्तर्गत भएको खेलमा भारतले जित हात पारेको छ।
गयराति सम्पन्न खेलमा बङ्गलादेशलाई ५० रनले पराजित गर्दै भारतले सुपर ८ अन्तर्गत आफ्नो दोस्रो जित निकालेको हो।
सर विभियम रिचर्ड्स स्टेडियममा टस हारेर पहिला ब्याटिङ्ग गर्दै भारतले निर्धारित ओभर खेल्दै ५ विकेटको क्षतिमा १९६ रन बनायो।
भारतको जितका लागि हार्दिक पाण्ड्याले नट आउट रहँदै सर्वाधिक ५० रन जोडे भने विराट कोहली ३७, ॠशभ पन्त ३६, शिवम् दुवेले ३४ रनको पारी खेले।
बङ्गलादेशका लागि तन्जिम शाकिब हसन र रिसाद होसेनले समान २/२ विकेट लिए भने शाकिब अल हसनले १ विकेट हात पारे।
१९७ रनको लक्ष्यसहित मैदान उत्रेको बङ्गलादेशले भने निर्धारित ओभरमा ८ विकेट गुमाएर १४८ रन मात्रै बनाउन सक्यो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
