काठमाडौं । सुनको मूल्यले इतिहासकै महँगोको रेकर्ड बनाएको छ ।
नेपाल सुनचाँदी व्यवसायी महासङ्घका अनुसार मंगलबार छापावाल सुनको मूल्य तोलामा २७०० रुपैयाँले बढेर १ लाख ४२ हजार ७०० रुपैयाँ पुग्दै नयाँ रेकर्ड बनाएको हो ।
नेपाली बजारमा यो अहिलेसम्मकै उच्च हो । यसअघि जेठ १८ गते छापावाल सुनको मूल्य सर्वाधिक १ लाख ४२ हजार २०० रुपैयाँ पुगेको थियो ।
त्यस्तै, आज तेजावी सुनको मूल्य १ लाख ४२ हजार रुपैयाँ निर्धारण भएको छ ।
अन्तर्राष्ट्रिय बजारमा मूल्य आकाशिएसँगै नेपाली बजारमा पनि सुनको भाउ अचाक्ली बढेको हो । बिहीबार विश्व बजारमा सुनको भाउ प्रतिऔंस २३२४.८७ डलरमा कारोबार भइरहेको छ ।
यस्तै, चाँदीको मूल्यमा प्रतितोला २५ रुपैयाँ बढेर १ हजार ८५० रुपैयाँ पुगेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
