काठमाडौं । राष्ट्रिय गौरवको आयोजना नागढुंगा-नौबिसे सुरुङमार्ग निर्माणको तीनचौथाई काम सकिएको छ ।आयोजनाले सार्वजनिक गरेको पछिल्लो विवरण अनुसार आइतबारसम्म सुरुङमार्गको समग्र भौतिक प्रगति ७४.३६१ प्रतिशत पुगेको हो ।
आयोजना अन्तर्गत सुरुङ खन्ने काम सकिए पनि फिनसिङ, लाइट जडान, लाइटिङ, अक्सिजन जडान, सडक ढलान लगायतको काम बाँकी छ ।
आयोजनाको मुख्य सुरुङ वैशाख ३ गते र आपतकालीन सुरुङ गत साउने २२ गते ब्रेक थ्रु गरिएको थियो । आयोजना निर्देशक नवीनमान श्रेष्ठका अनुसार मुख्य सुरुङ फिनसिङको काम ७६.१० प्रतिशत सकिएको छ । कुल २ हजार ६८८ मिटर लामो मुख्य सुरुङमध्ये हालसम्म २ हजार ४५.४० मिटर सुरुङ फिनसिङ गरिएको छ ।
फिनसिङसँगै अन्य काम पनि सँगसँगै भइरहेको उनले बताए । उनका अनुसार सुरुङमार्ग अन्तर्गत निर्मा गर्नुपर्ने संरचनामध्ये अब फ्लाइओभर मात्रै बनाउन बाँकी छ । हालसम्म फ्लाइओभरको ५ वटा सबस्ट्रक्चर निर्माण सम्पन्न भइसकेको छ भने अब अब सुपर स्ट्रक्चर मात्रै निर्माण गर्न बाँकी छ । यस्तै, फ्लाइओभर निर्माणका लागि आवश्यक जग्गामध्ये ९५ प्रतिशत अधिग्रहण गरिसकिएको आयोजनाले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
