काठमाडौं । शेयर बजार दोहोरो अंकले बढेको छ । साताको कारोबारको तेस्रो दिन नेप्से परिसूचक २५.९३ अंकले बढेर २००६.२८ विन्दुमा पुगेको हो ।
यसदिन ३२० कम्पनीको ४ अर्ब ८० करोड ४४ हजार ६०१ रुपैयाँ बराबरको १ करोड १८ लाख ३८ हजार १५० कित्ता शेयर किनबेच भएको छ । कारोबारमा आएका १३ वटा समूहमध्ये १ समूहको बाहेक सबैको परिसूचक बढेको छ ।
आज साइन रेसुंगा डेभलपमेन्ट बैंकको सर्वाधिक कारोबार भएको छ । यसको १८ करोड २४ लाख रुपैयाँ बढीको ४ लाख ५९ हजार २१९ कित्ता शेयर किनबेच भएको छ ।
आज २१५ कम्पनीको शेयर मूल्य बढेको छ भने २६ कम्पनीको घटेको छ । बढ्दो बजारमा २ कम्पनीको मूल्यमा पोजेटिभ सर्किट लागेको छ । कर्पोरेट डेभलपमेन्ट बैंक र इन्फिनिटी लघुवित्तको शेयर मूल्य १० प्रतिशतले बढेको छ ।
पोखरा फाइनान्सका शेयरधनीले भने सर्वाधिक ७.६४ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
