काठमाडौं । चालू आर्थिक वर्षको दोस्रो चौमास फागुनमसान्तसम्म बैंक तथा वित्तीय संस्थाकोे नाफा ४६ अबए ३८ करोड रुपैयाँ पुगेको छ।
गत आर्थिक वर्षको सोहि अवधिमा बैंक तथा वित्तीय संस्थाहरूले ५३ अर्ब ५९ करोड रुपैयाँ खुद नाफा कमाएका थिए । माघ महिनासम्म बैंक तथा वित्तीय संस्थाहरूको यस्तो नाफा ३८ अर्ब ८० करोड रुपैयाँ थियो ।
नाफा आर्जन गर्न पहिलो नम्बरमा नबिल बैंक रहेको छ । बैंकले फागुन ससान्तसम्ममा ४ अर्ब ७२ करोड ४२ लाख रुपैयाँ खुद नाफा आर्जन गरेको छ । त्यसैगरी, दोस्रो नम्बरमा ग्लोबल आइएमई बैंक रहेको छ । कम्पनीले ३ अर्ब ४३ करोड ३० लाख रुपैयाँ नाफा आर्जन गरेको हो ।
जसमा प्राइम कमर्शियल २ अर्ब ८८ करोड, राष्ट्रिय वाणिज्य बैंक २ अर्ब ८७ करोड, नेपाल इन्भेष्टमेन्ट मेगा २ अर्ब ८० करोड, एनआइसी एशिया २ अर्ब ५४ करोड, एभरेष्ट २ अर्ब २९ करोड र स्ट्याण्डर्ड चार्टर्ड बैंकले २ अर्ब ९ करोड रुपैयाँ खुद नाफा कमाएको छ ।
यस्तै, ८ महिनामा ६ बैंकले डेढ अर्ब बढी खुद नाफा कमाएका छन् । फागुनसम्म कृषि विकासले १ अर्ब ९७ करोड, हिमालयन १ अर्ब ९४ करोड, एनएाबी १ अर्ब ९२ करोड, लक्ष्मी सनराइज १ अर्ब ८२ करोड, सिद्धार्थ १ अर्ब ६९ करोड र सानिमा बैंकले १ अर्ब ६६ करोड रुपैयाँ नाफा कमाएको छ ।
यस अवधिमा ५ बैंकले भने डेढ अर्बभन्दा कम नाफा कमाएका छन् । जसमा नेपाल एसबीआई बैंकले सबैभन्दा कम १ अर्ब ८ लाख रुपैयाँ खुद नाफा कमाएको छ । त्यस्तै, कुमारी १ अर्ब ४२ करोड, नेपाल बैंक १ अर्ब २८ करोड, सिटिजन्स १ अर्ब १६ करोड र माछापुच्छ्रेले १ अर्ब १६ करोड नाफा कमाएको छ । राष्ट्र बैंकको तथ्यांकमा प्रभु बैंकको नाफा भने उल्लेख छैन ।
राष्ट्र बैंकका अनुसार चालु आवको फागुन मसान्तसम्म बैंकहरूले १ खर्ब ९९ अर्ब रुपैयाँ कर्जा लगानी गरेका छन् । पछिल्लो समय कर्जाको ब्याजदर सस्तिए पनि बजारमा उपभोग्य वस्तुको माग बढ्न र उद्यमीको मनोवल बढ्न नसक्दा कर्जाको माग बढ्न सकेको छैन । जसकारण बैंकहरूले उल्लेख्य रुपमा व्यवसाय विस्तार गर्न सकेका छैनन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
