कृषि विकास बैंकमा ११२ जनालाई जागिर खुल्यो

काठमाडौं । सरकारी स्वामित्वको कृषि विकास बैंकले विभिन्न पदमा ११२ जना कर्मचारी मागेको छ।

शुक्रबार एक सूचना जारी गर्दै बैंकले चौथो तहको सहायकदेखि आठौं तहको अधिकृतसम्म ११२ जना कर्मचारीका लागि दरखास्त आह्वान गरेको हो ।

बैंकले १६ जना व्यवसाय सहायक, ४६ जना लेखापाल, ३२ जना व्यवसाय अधिकृत, २ जना शाखा प्रमुख, २ जना वरिष्ठ लेखा अधिकृत, २ जना कम्प्युटर अधिकृत, १ जना आइटी इन्जिनियर, ६ जना कर्जा अधिकृत, १ जना कानुन सहायक, ३ जना कर्जा सहायक, १ जना ओभरसियरका लागि आवेदन खुलाएको हो ।

योग्यता पुगेका नेपाली नागरिकहरूले ती पदमा आजदेखि चैत १ गतेसम्म अनलाइनमार्फत आवेदन फाराम भर्न सक्नेछन्। दरखास्त शुल्क विभिन्न पदअनुसार फरकफरक निर्धारण गरिएको छ।

नियुक्त हुने कर्मचारीले बैंकले खटाएको जुनसुकै शाखा कार्यालयमा काम गर्नुपर्ने सूचनामा उल्लेख छ।

एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।