काठमाडौं । शेयर बजारमा लगातार पाँचौं दिन गिरावट आएको छ । पछिल्ला ५ दिनमा मात्रै नेप्से ७० अंकले घटेको छ ।
सूचकमा गिरावट आए पनि आज कारोबार रकम भने बढेको छ । अघिल्लो दिनको तुलनामा कारोबार रकम ९६ करोड बढेर ३ अर्ब २० करोड रुपैयाँ पुगेको छ ।
बिहीबार नेप्से परिसूचक २०.७६ अंकले घटेर २०५.८३ विन्दुमा आइपुगेको छ । यसदिन ३०९ कम्पनीको ९५ लाख १८ हजार ७५ कित्ता शेयर किनबेच भएको छ ।
आज कारोबारमा आएका १३ वटा उपसमूहमध्ये फाइनान्स र उत्पादनमूलक बाहेक अरु सबै समूहको परिसूचक राताम्मे भएको छ । उत्पादनमूलक समूहको परिसूचक १.८४ प्रतिशतले बढेको छ भने हाइड्रोपावर समूह १.९० प्रतिशतले घटेको छ ।
आज पनि हिमालयन रिइन्स्योरेन्सको सर्वाधिक कारोबार भएको छ । यसको १४ करोड ८७ लाख रुपैयाँ बढीको २ लाख ३७ हजार ४३९ कित्ता सेयर किनबेच भएको छ ।
घट्दो बजारमा समाज लघुवित्तको शेयर मूल्यमा पोजेटिभ सर्किट लागेको छ । यसका शेयरधनीले ठ्याक्कै १० प्रतिशत कमाएका छन् ।
आज हिमालयन ऊर्जा कम्पनीका सेयरधनीले भने सर्वाधिक ७.६० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
