काठमाडौं । अन्तर्राष्ट्रिय बजारमा कच्चा तेलको भाउ आकाशिँदै गएको छ । गत सेम्टेम्बरदेखि लगातार ओरालो लागको कच्चा तेलको मूल्य नयाँ अंग्रेजी वर्षको सुरूदेखि नै बढ्न थालेको हो ।
आयल प्राइस डटकमका अनुसार सन् २०२४ जनवरीमा कच्चा तेलको भाउ औसतमा १२ प्रतिशतले बढेको छ । डिसेम्बर अन्तिममा प्रतिब्यारेल ७२ डलरसम्म झरेको कच्चा तेलको भाउ अहिले बढेर ८३ डलरसम्म पुगेको छ ।
सोमबार विश्व बेन्चमार्क ब्रेन्ट क्रुड आयलको भाउ प्रतिब्यारेल ८३.८७ डलरमा कारोबार भइरहेको छ । यही महिनाको पहिलो साता ब्रेन्ट क्रुडको भाउ प्रतिब्यारेल ७२ डलरसम्म झरेको थियो ।
त्यस्तै, आज ओपेक तथा अमेरिकी बेन्चमार्क डब्ल्यूटीआइ क्रुड आयलको भाउ प्रतिब्यारेल ७८.३३ डलरमा करोबार भइरहेको छ । एक महिना अघि यसको भाउ प्रतिब्यारेल ६७ डलरसम्म झरेको थियो ।त्यस्तै, आज मुर्बान क्रुड आयलको प्रतिब्यारेल ८३.३८ डलरमा कारोबार भइरहेको छ ।
अन्तर्राष्ट्रिय संचार माध्यकका अनुसार विश्व अर्थतन्त्रमा देखिएको मन्दीका कारण तेलको खपत घट्दा भाउ घटिरहेको थियो । तर, २०२४ को सुरूदेखि विश्वका ठूला तेल उत्पादकहरुले उत्पादनमा कटौती गर्दा अहिले मूल्य बढ्न थालेको हो ।
विश्व बजारमा तेलको भाउ बढेसँगै नेपालमा त्यसको प्रत्यक्ष असर पर्दछ । नेपाल इन्धनमा पूर्ण परनिर्भर रहेकाले विश्व बजारमा भाउ बढ्ने बित्तिकै नेपालमा पनि बढ्ने गर्छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
