काठमाडौं । हाइड्रो इलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआइडीसीएल)को खुद नाफामा वृद्धि भएको छ ।
कम्पनीले सोमबार सार्वजनिक गरेको चालु आर्थिक वर्ष २०८०/८१ को दोस्रो त्रैमासको अपरिष्कृत वित्तीय विवरण अनुसार खुद नाफा ११.४७ प्रतिशतले बढेको छ ।
कम्पनीले पुस मसान्तसम्म ७५ करोड २७ लाख रुपैयाँ खुद नाफा कमाएको छ । यो गत आर्थिक वर्षको सोही अवधिको तुलनामा झन्डै ८ करोड बढी हो । कम्पनीले गत वर्षको पुससम्म ६९ करोड ६१ लाख रुपैयाँ खुद नाफा कमाएको थियो ।
कम्पनीको खुद आम्दानी बढेसँगै नाफामा पनि सुधार आएको हो । समीक्षा अवधिमा कम्पनीको वित्तीय आम्दानी ४.६२ प्रतिशतले बढेर १ अर्ब ७ करोड रुपैयाँ पुगेका छ । समीक्षा अवधिमा कम्पनीको लाभांश आम्दानी भने १९.३७ प्रतिशतले घटेर १ करोड ७ लाख रुपैयाँमा सीमित भएको छ ।
हाल २२ अर्ब ७७ करोड रुपैयाँ चुक्ता पूँजी रहेको कम्पनीको रिजर्भ कोषमा १ अर्ब ८९ करोड रुपैयाँ संचित छ ।
नाफा बढेसँगै कम्पनीको प्रतिसेयर आम्दानी पनि बढेको छ । समीक्षा अवधिमा प्रतिसेयर आम्दानी ६.३५ रुपैयाँबाट बढेर ६.६१ रुपैयाँ पुगेको छ । कम्पनीको प्रतिसेयर नेटवर्थ १०८.०३ रुपैयाँ र मूल्य आम्दानी अनुपात २८.०३ गुणा छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
