काठमाडौं । लघु जीवन बीमा कम्पनीहरूले अब वैदेशिक रोजगार(म्यादी) बीमालेख जारी गर्न पाउने भएका छन् । नेपाल बीमा प्राधिकरणले लघुबीमा निर्देशन-२०८० संशोधन गर्दै यस्तो व्यवस्था गरेको हो ।
लघु बीमा कम्पनीले व्यवसाय बढाउन नसकेपछि प्राधिकरणले व्यवसायिक दायरा बढाउँदै लगेको हो । यसअघि जीवन बीमा कम्पनीहरूले जारी गर्दै आएको म्यादी बीमालेख अब लघु जीवन बीमा कम्पनीले पनि गर्न पाउने व्यवस्था गरेको हो ।
यससँगै म्यादी बीमामा जीवन बीमा कम्पनीहरूको एकाधिकार तोडिएको छ । अब लघु जीवन बीमा कम्पनीहरूले ५ लाख रुपैयाँसम्मको वैदेशिक रोजगार बीमालेख जारी गर्न पाउने छन् ।
सरकारले वैदेशिक रोजगारमा गएका नागरिकका लागि २०७३ सालबाट वैदेशिक रोजगार (म्यादी) बीमालेख जारी गर्ने व्यवस्था गरेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
