काठमाडौं । सेयर बजारमा लगातार चौथो दिन गिरावट आएको छ । गत बुधबारदेखि ओरालो लागेको नेप्से आज पनि दोहोरो अंकले घटेको हो । पछिल्ला ४ दिनमा नेप्से ७७ अंकले घटेको छ ।
सोमबार नेप्से परिसूचक ३१.४९ अंकले घटेर २०९८.६९ विन्दुमा आइपुगेको छ । यसदिन ३०७ कम्पनीको १ करोड ८० लाख ४३ हजार २४४ कित्ता सेयर किनबेच भएको छ ।
सूचकसँगै आज कारोबार रकममा पनि गिरावट आएको छ । अघिल्लो दिनको तुलनामा करोबार रकम १ अर्ब ४० करोड घटेर ६ अर्ब ३७ करोड रुपैयाँमा सीमित भएको छ ।
कारोबारमा आएका १३ वटा उपसमूहमध्ये व्यापार बाहेक अरु सबै समूहको परिसूचक घटेको छ । हाइड्रोपावर समूहको परिसूचक सर्वाधिक २.२४ प्रतिशतले घटेको छ ।
आज पनि हिमालयन रि इन्स्योरेन्सको सर्वाधिक कारोबार भएको छ । यसको ७८ करोड ६३ लाख रुपैयाँको ११ लाख ९६ हजार ७३८ कित्ता सेयर किनबेच भएको छ ।
उच्च अंकले घटेको बजारमा आज अपर स्याङ्गे हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले कबि १० प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
