काठमाडौं । सेयर बजारमा लगातार सुधार आएको छ ।
साताको कारोबारको पहिलोदिन १.३९ अंकले बढेर १८५३.४८ विन्दुमा पुगेको छ ।
यसदिन २८८ कम्पनीको १ अर्ब ९ करोड ९३ लाख १८ हजार २९ रुपैयाँ बढीको ३३ लाख १९ हजार ५५८ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ९ को परिसूचक बढेको छ भने ४ को घटेको छ । व्यापार उपसमूहको परिसूचक सबैभन्दा धेरै १.४२ प्रतिशतले बढेकोे छ ।
आज हिमालयन डिस्ट्रीलरीको शेयर सर्वाधिक किनबेच भएको छ । यसको झन्डै साढे ७ करोड रुपैयाँको कारोबार भएको छ ।
झिनो अंकले बढेको बजारमा आज ५ कम्पनीको शेयर मूल्यमा सर्किट ब्रेक लागेको छ । जसमा ग्लोबल आइएमइ लघुवित्त र कर्णाली डेभलपमेन्ट बैंकका शेयरधनीले करिब १० प्रतिशत कमाएका छन् ।
फरवार्ड माइक्रोफाइनान्स, सयपत्री हाइड्रोपावर र माथिल्लो मैलुङ खोला हाइड्रोपावरका शेयरधनीले १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
