काठमाडौं । लुम्बिनी विकास बैंक लिमिटेडले केही संस्थापक सेयरहरू बिक्री गर्ने भएकाे छ ।
बैंकका संस्थापक सेयरधनीहरू बिल बहादुरको नाममा रहेको १ लाख ४६ हजार ७४८ कित्ता सेयर र विन्दु कुमार थापाको नाममा रहेको ५३ हजार ८९१ कित्ता संस्थापक सेयर बिक्री गर्न निवेदन दिएका हुनाले बैंकले उक्त सेयरहरू बिक्री गर्न लागेकाे हाे ।
संस्थापक सेयरमा विद्यमान संस्थापक सेयरधनी लगायत अन्य व्यक्ति, संस्था वा कम्पनीले पनि आवेदन दिन सक्ने छन् । बैंकले यसअघि असोज ११ गते संस्थापक सेयरधनीहरुलाई सेयर बिक्री खुलाएको थियो ।
संस्थापक सेयरधनीबाट आवेदन नआएको भन्दै बैंकले उक्त सेयर अन्य व्यक्ति, संस्था वा कम्पनीलाई बिक्री गर्न लागेको हो । इच्छुक लगानीकर्ताले सेयर खरिद गर्नको लागि आज कात्तिक २१ गतेदेखि १५ दिनभित्र बैंकको मुख्य कार्यालय डिल्लीबजार काठमाण्डौंमा सम्पर्क गर्न सक्ने छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
