काठमाडौं । सेयर बजारमा लगातार चौथो दिन गिरावट आएको छ । गत मंगलबारदेखि लगातार ओरोलो लागेको नेप्सेले आज पनि सोही लय कायम राखेको हो । पछिल्ला चार कारोबार दिनमा नेप्से ५१ अंकले घटेको छ ।
आइतबार नेप्से परिसूचक २१.४६ अंकले घटेर १८२६.२३ विन्दुमा आइपुगेको छ । यसदिन २८९ कम्पनीको ९७ करोड रुपैयाँ बढीको ३५ लाख ५८ हजार ५५४ कित्ता सेयर किनबेच भएको छ ।
कारोबारमा आएका १३ वटा समूहमध्ये होटल बाहेक अरु सबै समूहको परिसूचक राताम्मे भएको छ । व्यापार समूहको परिसूचक सबैभन्दा धेरै २.११ प्रतिशतले घटेको छ ।
आज नबिल बैंकको प्रमोटर सेयर सर्वाधिक कारोबार भएको छ । यसको ४ करोड ६० लाख रुपैयाँको सेयर किनबेच भएको छ ।
घट्दो बजारमा हिमालयन लघुवित्तको सेयर मूल्यमा नेगेटिभ सर्किट लागेको छ । यसका सेयरधनीले ठ्याक्कै १० प्रतिशत गुमाएका छन् । आज एनआइसी एशियाल लघुवित्तका सेयरधनीले सर्वाधिक ६.९७ प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
