काठमाडौं । चालु आर्थिक वर्षको पहिलो त्रैमासमा सिद्धार्थ बैंकको खुद नाफामा झण्डै सतप्रतिशतको गिरावट आएको छ ।
चालु आर्थिक वर्षको पहिलो त्रैमाससम्मको अपरिष्कृत वित्तीय विवरण अनुसार यत वर्षको सोही अवधिको तुलनामा बैंकको खुद नाफा ९१.४० प्रतिशतले घटेर जम्मा चार करोड २८ लाख रुपियाँमा सीमित भएको हो ।
गत वर्षको यसैअवधिमा बैंकले ४९ करोड ८२ लाख रुपियाँ खुद नाफा कमाएको थियो । बैंकको इम्पेयरमेन्ट चार्ज धेरै बढेकाले खुद नाफा निकै घटेको हो । गत वर्ष ८९ करोड ३० लाख रुपियाँ रहेको इम्पेयरमेन्ट चार्ज यो वर्ष एक अर्ब ४३ करोड रुपियाँ पुगेको विवरणबाट देखिन्छ ।
समीक्षा अवधिमा सिद्धार्थ बैंकको खुद ब्याज आम्दानी ७.४६ प्रतिशत तथा सञ्चालन नाफा ८८.९३ प्रतिशतले घटेको छ । चुक्ता पुँजी १४ अर्ब आठ करोड रुपियाँ र रिजर्भ कोषमा १० अर्ब ९९ करोड रुपियाँ रहेको बैंकको प्रतिशेयर आम्दानी १५ रुपियाँ ६१ पैसाबाट घटेर एक रुपियाँ १९ पैसामा सिमित भएको छ । बैंकको प्रतिशेयर नेटवर्थ १६७ रुपियाँ ६६ पैसा छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
