काठमाडौं । सेयर बजारमा लगातार तेस्रो दिन गिरावट आएको छ । मंगलबारदेखि लगातार ओरोलो लागेको नेप्सेले आज पनि सोही लय कायम राखेको हो । पछिल्ला तीन कारोबार दिनमा नेप्से ३० अंकले घटेको छ ।
सूचक घटे पनि कारोबार रकममा भने सुधार आएको छ । अघिल्लो दिनको तुलनामा कारोबार रकम १२ करोडले बढेर ९६ करोड रुपैयाँ पुगेको छ ।
बिहीबार नेप्से परिसूचक १०.८६ अंकले घटेर १८४७.७० विन्दुमा आइपुगेको छ । यसदिन २८१ कम्पनीको ३७ लाख ४९ हजार ९५४ कित्ता सेयर किनबेच भएको छ ।
कारोबारमा आएका कम्पनीमध्ये १९० कम्पनीको सेयर मूल्य घटेको छ भने ४० वटाको बढेको छ । त्यस्तै, ६ कम्पनीको सेयर मूल्य स्थिर रहेको छ ।
कारोबारमा आएका १३ वटा समूहमध्ये होटल र उत्पादनमूलक बाहेक अरु सबै समूहको परिसूचक राताम्मे भएको छ । होटल समूहको परिसूचक सबैभन्दा धेरै ४.४७ प्रतिशतले बढेको छ ।
आज आशा लघुवित्तको प्रमोटर सेयर सर्वाधिक कारोबार भएको छ । यसको १० करोड रुपैयाँ बढीको सेयर किनबेच भएको छ ।
घट्दो बजारमा सयपत्री हाइड्रोपावरको सेयरमूल्यमा नेगेटिभ सर्किट लागेको छ । यसका सेयरधनीले ठ्याक्कै १० प्रतिशत गुमाएका छन् । आज चन्द्रागिरि हिल्सका सेयरधनीले सर्वाधिक ६.०४ प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
