काठमाडौं । नेपाल बैंकको प्रमुख कार्यकारी अधिकृत(सिइओ)का लागि १९ जनाले आवेदन दिएका छन । कात्तिक १२ गते आइतरसम्ममा नयाँ सिइओका लागि १९ जनाको आवेदन परेको बैंकले जनाएको छ ।
नेपाल बैङ्कको सीईओको लागी १९ जनाले आवेदन दिएको बैंक स्रोतले बताएको छ । जसमा नेपाल बैंककैं वर्तमान र पूर्व गरी ५ जना रहेका छन् । नेपाल बैङ्कको सीईओको लागी सोही बैंककै कामु सीईओ रहेकी समता पन्त, चिफ क्रेडिट अफिसर लक्ष्मण पौडेल, रिक्स म्यानेजमेन्ट डिपार्टमेन्ट सुन्दर पन्थी रहेका छन् ।
त्यसै गरी नेपाल बैंककै पूर्व डिसिइओ राजुनाथ खनाल र पूर्व चिफ म्यानेजर तिलक पाण्डेले पनि सीईओको लागी आवेदन दर्ता गराएका छन् । त्यस्तै कृषि विकास बैंकका वर्तमान डिजिएम प्रताप सुवेदी, राष्ट्रिय वाणिज्य बैंकका पूर्व डिसिईओ दिवेश लोहनी, कर्मचारी सञ्चय कोषका पूर्व प्रशासक कृष्णप्रसाद आचार्य, प्रोफेसर ध्रुर्वचन्द्र गौतम, दीर्घ बहादुर अर्याल, तत्कालीन नेपाल बङ्गलादेश बैंकका डिसीईओ सुरेन्द्र भूषण श्रेष्ठ, सिन्धु विकास बैंकका पूर्व सीईओ रमेशराज जोशीले पनि सीईओको लागी आवेदन बुझाएका छन् ।
त्यस्तै नेपाल राष्ट्र बैंकका पूर्व कार्यकारी निर्देशक अशोक पौडेल, नेपाल एसबिआई बैंकका पूर्व डिजिएम छविराज पन्त, एसविआई बैंकका एसिईओ विष्णुदेव यादव, प्रमोदबाबु तिवारी, विभु प्रसाद अर्याल, रामदेव यादव र शङ्कर केसीले नेपाल बैङ्कको नयाँ सीईओको लागी आवेदन दिएका छन् । नेपाल बैंक सीईओ छनोट समितिले असोज २१ गते २१ दिनको म्याद राखेर विज्ञापन प्रकाशित गरेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
