काठमाडौं । एनएमबि बैंकले २० मिलियन अमेरिकी डलर ऋण प्राप्त गरेको छ । बैंकले हरित वित्त प्रवद्र्धन र साना तथा मझौला उद्यमलाई टेवा पुर्याउने उद्देश्यले सो बराबरको ऋण लिएको हो ।
अन्तर्राष्ट्रिय साझेदार एफएमओबाट २० मिलियन अमेरिकी डलर बराबरको ऋण प्राप्त भएको बैंकले जनाएको छ । बैंक र एफएमओ बीचको साझेदारीमा एफएमओबाट एनएमबि बैंकलाई १५ मिलियन डलर ग्रीन इनिसिएटिभमा केन्द्रित रही वित्तीय कारोबार गर्न प्राप्त भएको हो । बाँकी रकम भने एमएसएमई विकास र प्रवद्र्धनका लागि प्राप्त भएको बैंकले जनाएको छ ।
एनएमबि बैंकले हाल देशभरी २०१ शाखाहरु, १५१ एटिएमहरु र १२ एक्सटेन्सन काउन्टर मार्फत उच्चस्तरीय सेवा प्रदान गर्दै आइरहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
