काठमाडौं। कुमारी बैंक लिमिटेडले एकैपटक ५ वटा नयाँ शाखा संचालनमा ल्याएको छ । बैंकले शुक्रबार काठमाडौं उपत्यकाका विभिन्न ५ स्थानमा शाखा विस्तार गरेको हो ।
बैंकले आजदेखि काठमाडौंको सितापाइला, डल्लु र कपन तथा ललितपुरको भैसेंपाटी र टौखेलमा नयाँ शाखा संचालनमा ल्याएको हो ।
व्यवसायी, उद्यमी तथा स्थानीयलाई सहज रुपमा बैंकिङ सेवा पुऱ्याउने उद्देश्यले नयाँ शाखाहरू विस्तार गरिएको बैंकले जनाएको छ । साथै, आगामी दिनमा थप शाखाहरू विस्तार गर्दै आधुनिक बैंकिङ सेवा पुऱ्याउने बैंकको योजना छ ।
कुमारी बैंकले देशभर रहेका ३०८ शाखा, ३०९ एटीएम, ४९ एक्सटेन्सन काउन्टर तथा ६४ शाखारहित बैंकिङ इकाईहरू मार्फत सेवाहरू प्रदान गर्दै आइरहेको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
