काठमाडौं । सेयर बजारमा लगातार दोहोरो अंकको गिरावट आएको छ । बिहीबार ३१ अंकले घटेको नेप्से आज २० अंकले घटेको छ ।
आइतबार नेप्से परिसूचक २०.५४ अंकले घटेर १९९३.३८ विन्दुमा आइपुगेको छ । यसदिन २८० कम्पनीको १ अर्ब २६ करोड रुपैयाँ बराबरको ३८ लाख ९५ हजार २३६ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये म्युचुअल फण्ड बाहेक अरु सबै समूहको परिसूचक राताम्मे भएको छ । हाइड्रोपावर उपसमूहको परिसूचक सबैभन्दा धेरै १.७५ प्रतिशतले घटेको छ ।
आज एशियन लाइफ इन्स्योरेन्सको सर्वाधिक कारोबार भएको छ । यसको साढे ७ करोड रुपैयाँ बढीको सेयर किनबेच भएको छ ।
उच्च अंकले घटेको बजारमा पनि आज कुथेली बुखरी स्मल हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले १० प्रतिशत कमाएका छन् ।
घट्दो बजारमा मकर जितुमाया सुरी मोलुङ हाइड्रोपावरका सेयरधनीले सर्वाधिक ९.६३ प्रतिशत गुमाएका छन् । त्यसैगरी, लिबर्टी इनर्जी ६.३०, अप्पर स्याङ्गे हाइड्रोपावर, महुली लघुवित्त र खानीखोला हाइड्रोपावरको सेयर मूल्य साढे ५ प्रतिशतले घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
