काठमाडौं । सेयर बजार लगातार दोहोरो अंकले बढेकाे छ । मंगलबार १७ अंकले बढेको नेप्से आज सोभन्दा धेरै अंकले बढेको हो ।
बुधबार नेप्से परिसूचक २९.४७ अंकले बढेर २०४५.४५ विन्दुमा पुगेको छ । यसदिन २७२ कम्पनीको १ अर्ब ५१ करोड रुपैयाँ बराबरको ४२ लाख ३७ हजार ६९ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचकमा हरियाली छाएको छ । हाइड्रोपावर उपसमूहको परिसूचक सबैभन्दा धेरै २.७९ प्रतिशतले बढेको छ ।
आज घोराही सिमेन्टको सर्वाधिक कारोबार भएको छ । यसको साढे ७ करोड रुपैयाँ बढीको सेयर किनबेच भएको छ । त्यस्तै, सोल्टी होटल ७ करोड र आइएमई लाइफ इन्स्योरेन्स साढे ५ करोड बढीको कारोबार हुँदै शिर्ष तीनमा रहे ।
उच्च अंकले बढेको बजारमा कुथेली बुखरी स्मल हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले १० प्रतिशत कमाएका छन् ।
त्यसैगरी, ग्लोबल आइएमई ब्लेन्स फण्ड १ र लिबर्टी इनजीको सेयर मूल्य साढे ९ प्रतिशतले बढेको छ भने दोल्ती पावर, मायाखोला हाइड्रोपावर र समता घरेलु लघुवित्तका सेयरधनीले ८ प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
