काठमाडौं । माण्डु हाइड्रोपावर लिमिटेडलको प्राथमिक साधरण सेयर (आइपीओ)मा आवेदन दिने समय थप भएको छ ।
कम्पनीले असार २८ गतेदेखि आयोजना प्रभावित क्षेत्रका स्थानिय बासिन्दाका लागि बिक्रीम ल्याएको आइपीओ भर्ने म्याद साउन २६ गतेसम्म थप गरेको हो ।
कम्पनीले आयोजना प्रभावित क्षेत्र ललितपुर र मकवानपुरका स्थानीयका लागि प्रतिकित्ता २०६ रुपैयाँ (अंकित मूल्य १०० रुपैयाँमा १०६ रुपैयाँ पिूमियम थपेर) दरले २ लाख ७२ हजार ७३० कित्ता सेयर निष्काशन गरेको हो ।
सो सेयरमा ललितपुरको बागमती गाउँपालिका वडा नं. १ र २, मकवानपुरको भीमफेदी गाउँपालिका वडा नं. ५,६, ७ र ८ तथा ईन्द्र सरोबर गाउँपालिका वडा नं. ३ का स्थानीयले आवेदन दिन पाउने छन् ।
कम्पनीको आइपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन पाइने छ ।
स्थानीय बासिन्दाले आयोजना स्थल, कुमारी बैंक, प्रभु बैंक तथा प्रभु क्यापिटलका तोकिएका शाखा कार्यालयबाट आवेदन दिन सक्नेछन्। साथै, प्रभु क्यापिटलको वेबसाइटबाट अनलाइन आवेदन दिन सक्नेछन् ।
वैदेशिक रोजगारीम रहेकाले आवेदन दिने आज अन्तिम दिन
यस्तै, नेपाल सरकारबाट श्रम स्वीकृति लिई वैदेशिक रोजगारीमा रहेका नेपालीहरुले भने कम्पनीको सेयरमा आवेदन दिने आज अन्तिम दिन रहेको छ ।
कम्पनीले वैदेशिक रोजगारीमा रहेका नेपालीका लागि प्रतिकित्ता २०६ रुपैयाँ दरले १ लाख ३६ हजार ३६४ कित्ता सेयर बिक्रीमा ल्याएको छ ।
वैदेशिक रोजगारीमा रहेका नेपालीहरुले नेपाल धितोपत्र बोर्डबाट सी आस्बा अनुमति प्राप्त बैंक तथा वित्तीय संस्था, तिनका शाखा कार्यालयहरुका साथै मेरोसेयर मार्फत आनलाइन आवेदन दिन सक्नेछन् ।
कम्पनीको सेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ। आइपीओ निष्काशनको लागि गराएको रेटिङमा इक्रा नेपालले कम्पनीलाई ‘इक्राएनपी इस्यूअर ट्रिपल बी माइनस’ रेटिङ दिएको छ । यसले कम्पनीको दायित्व बहन गर्ने क्षमतामा औषत जोखिम रहेको जनाउँदछ ।
कम्पनीले प्रबर्धन गरि हाल सञ्चालनमा रहेको २२ मेगावाटको बागमती साना जलविद्युत आयोजनाको कुल लागत ४ अर्ब १ करोड ९४ लाख ३७ हजार २५८ रुपैयाँ रहेको छ भने प्रतिमेगावाट कुल लागत १८ करोड २७ लाख रुपैयाँ रहेको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
