काठमाडौं । साविक उपविजेता नेपाल जारी साफ च्याम्पियनसिपको पहिलो खेलमा आमन्त्रित टिम कुवेतसँग ३–१ गोलको नतिजामा पराजित भएको छ ।
भारतको बैङ्लुरुस्थित श्री कान्ताराभा स्टेडियममा भएको खेलमा कुवेतले पहिलो हाफमै दुई गोल गरेको थियो।
दोस्रो हाफको सुरुवातमै पेनाल्टी मार्फत् कुवेतका महोम्मद अब्दुल्लाहले तेस्रो गोल गरेका थिए। नेपालका लागि दोस्रो हाफको ६८ औं मिनेटमा अञ्जन श्रेष्ठले एक गोल फर्काएका हुन्।
कुवेतसँग नेपालबीच यसअघि ९ पटक प्रतिस्पर्धा भएको थियो। जसमध्ये ८ खेलमा कुवेत विजयी भएको थियो भने १ खेल बराबरीमा सकिएको थियो।
पछिल्लो पटक सन् २०२२ को जुनमा एसिया कप छनोटको तेस्रो चरणमा कुवेतले नेपाललाई ४-१ ले पराजित गरेको थियो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
