काठमाडौँ । बलिउड फिल्म ‘द केरला स्टोरी’ लाई पश्चिम बंगालमा प्रतिबन्ध लगाइएको छ। मुख्यमन्त्री ममता बनर्जीले फिल्म प्रदर्शन भएमा राज्यको शान्ति र व्यवस्था भंग हुन सक्ने बताएकी छन्। उनले मुख्य सचिवलाई दिएको आदेशमा कसैले आदेश उल्लङ्घन गरेको पाइएमा कडा कारबाही गर्नुपर्ने बताएकी छन् ।
सरकारले जारी गरेको आदेशमा कुनै हलमा चलचित्र चलेको भए तत्काल हटाउन पनि भनिएको छ । ममताले पत्रकार सम्मेलनमा आफू द कश्मीर फाइल्स र द केरला स्टोरीपछि अब बेङ्गाल फाइल्स बनाउने तयारी भइरहेको बताएकी छिन् । ममताले पहिले कश्मीरका जनताको अपमान गरे, अब केरलाका जनताको अपमान गरिरहेको बताएकी छन् ।
ममता बनर्जीले केरलापछि अब बंगाललाई निशाना बनाइनेछ । बङ्गालको फाइल पनि तयार हुँदै गरेको बताउदै आफूले केरलाका मुख्यमन्त्रीसँग कुरा गर्ने बतएकी छन् । ‘द केरला स्टोरी’ का निर्माता विपुल अमृतलाल शाहले फिल्म प्रतिबन्धप्रति असन्तुष्टि व्यक्त गरेका छन् ।
द केरला स्टोरीले भारतीय बक्स अफिसमा राम्रो कमाइ गरेको छ । फिल्म विश्लेषक तरण आदर्शका अनुसार यस फिल्मले रिलिजको तीन दिनमा ३५ करोड कमाइ गरिसकेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
