काठमाडो । विनिता पुनको पहिलो ऐतिहासिक अन्तर्राष्ट्रिय शतकको सहयोगमा नेपाली नेत्रहीन महिला क्रिकेट टोलीले भारतीय टोलीमाथि शानदार जित हात पारेको छ ।
दोस्रो नेपाल-भारत टी-ट्वान्टी नेत्रहीन महिला क्रिकेट श्रृंखलाअन्तर्गत मंगलबार पोखरा क्रिकेट मैदानमा भएको खेलमा नेपाली टोलीले भारतीय टोलीलाई ८ विकेटले हराएको हाे ।
टस हारेर फिल्डिङ्गमा उत्रेको भारतीय नेत्रहीन महिला क्रिकेट टिमले निर्धारित २० ओभरको समाप्तिमा ७ विकेटको क्षतिमा १७३ रनको योगफल तयार गरेका थियो । भारतका ५ खेलाडी रन आउट भएका थिए भने विनित पुन र निशा चौधरीले समान एक/एक विकेट लिएका थिए ।
जवाफी व्याटिङ्गमा नेपालले २ विकेटको खर्चमा लक्ष्य पार गरेको थियो । नेपालको लागि प्लेयर अफ द सिरिज विनिता पुनले विस्फोटक व्यटिङ्ग गर्दै ५७ वलको सामना गर्दै १७ चौकाको सहयोगमा नटआउट १ सय ११ रन प्रहार गरेकी थिइन् । उनी नेत्रहीन महिला क्रिकेटको इतिहासमा पहिलो शतक बनाउने खेलाडी बनेकी छन् ।
त्यसैगरी मनकेशरी चौधरीले ३२ रन, सरिता घिमिरोले नटआउट हुदै २१ रन प्रहार गरेका छन् । भारतीय नेत्रहीन महिला क्रिकेट टिमको तर्फबाट उपकप्तान गंगावा निलप्पाले सर्वधिक नटआउट ७२ रन, सिमु दासले २६, दिपिका टि.सीले १६ बर्षा यूले १०, सुस्मा पटेलले ९ रन बनाएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
