काठमाडौं । नेकपा एकीकृत समाजवादीका अध्यक्ष माधवकुमार नेपालले प्रधानमन्त्री पुष्पकमल दाहाल प्रचण्डले अब विश्वासको मत लिने अवस्था नआउने बताएका छन् । प्रतिनिधिसभाको आजको बैठकमा प्रधानमन्त्री प्रचण्डले राखेको विश्वासको मतसम्बन्धी प्रस्तावमाथिको छलफलका क्रममा बोल्दै उनले यस्तो बताएका हुन् ।
गत २६ पुसमा विश्वासको मत लिएका प्रधानमन्त्री प्रचण्डले सोमबार प्रतिनिधिसभामा फेरि विश्वासको मत मागेका छन् । आजको संसद बैठकमा बोल्दै एमाले र राप्रपाका नेताहरुले प्रधानमन्त्रीले दुई महिनामै पुनः विश्वासको मत लिने अवस्था आएकोले फेरिपनि त्यस्तै अवस्था त आउने होइन भनेर प्रश्न गरेका थिए ।
सोही विषयमा अध्यक्ष नेपालले त्यस्तो अवस्था नआउनेमा आफूलाई पूरा विश्वास रहेको बताए । अध्यक्ष नेपालले अब यो गठबन्धन नटुट्ने समेत बताएका छन् । ‘त्यो अवस्था आउँदैन भन्ने कुराको मलाई विश्वास छ । अब यो गठबन्धन आउने ५ वर्षसम्म टिक्छ,’ उनले भने, ‘राष्ट्रको सबै चुनौतीहरूको सामना गर्न यो गठबन्धन एकतावद्ध भएर अगाडि बढ्छ ।’
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
