काठमाडौं । नेपाल नागरिक उड्डयन प्राधिकरणले श्री एयरलाइन्सका सबै जहाजमाथि लगाएको उडान भर्न नपाउने प्रतिबन्ध फुकुवा गरेको छ । प्रतिबन्ध फुकुवा भएसँगै शनिबारदेखि नियमित उडान गर्नेछ।
काठमाडौंबाट भैरहवाको लागि उडेको जहाजको दायाँ इन्जिनमा आगोको संकेत देखिएको घटनापछि प्राधिकरणले जाँच नभएसम्म शुक्रबारदेखि श्री एयरका सबै उडान-अवतरणमा प्रतिबन्ध लगाएको थियो ।
शुक्रबार श्री एयरलाइन्सको जहाजको इन्जिन सुरक्षा जाँचपछि मात्रै उडान गर्न निर्देशन दिएको थियाे। प्राविधिकरणकाे विज्ञ टाेलीले जाँच गरेपछि श्री एयरलाइन्सले पुनः उडान अनुमति पाएकाे हाे।
श्री एयरलाइन्सका साना-ठूला गरी आठ जहाज छन्। तीमध्ये चारवटा मात्रै सञ्चालनमा छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
